Ապամոնտաժվել է Աժդահակ խառնարանալճում տեղադրված բենզապոմպը

ՀՀ շրջակա միջավայրի նախարարի մամուլի քարտուղար Դավիթ Գրիգորյանը ֆեյսբուքյան իր էջում գրել է. «Ապամոնտաժվել է Աժդահակ խառնարանալճում տեղադրված բենզապոմպը

Շրջակա միջավայրի նախարար Ռոմանոս Պետրոսյանի ցուցումով՝ Բնապահպանության և ընդերքի տեսչական մարմինի, հարակից համայնքի ղեկավարի և ոստիկանության ծառայողների ներկայությամբ ապամոնտաժվել, հեռացվել և առգրավվել է Աժդահակ խառնարանալճում տեղադրված բենզապոմպը։ Հարուցվել է վարույթ։

Շնորհակալ ենք քաղաքացիներին ահազանգելու համար և հորդորում ենք աջակցել ու հետամուտ լինել նմանօրինակ խնդիրների լուծմանը»։