Լատվիայի բնակիչները համերաշխության շղթա են կազմելու մինչև Բելառուս

Ոգեշնչված լիտվացիների գաղափարով՝ լատվիացի ակտիվիստները որոշել են կազմակերպել մինչև Բելառուսի սահման հասնող մարդկային շղթա: Ենթադրվում է, որ ակցիան սկիզբ կառնի Դաուգավպիլսից՝ հետևելով Լատվիայի անկախության վերականգնման ընթացքում «Բալթյան ճանապարհ» ակցիայի օրինակին:

«Հիշո՞ւմ եք 1989-ի օգոստոսի 23-ի մեր «Բալթյան ճանապարհ» խաղաղ բողոքի ակցիան: 2020 թվականի օգոստոսի 23-ին լիտվացիները կազմակերպելու են մարդկային շղթա՝ Վիլնյուսից մինչև Բելառուս: Մենք Բելառուսին նույնպես սահմանակից ենք», - ասված է հաղորդագրության մեջ:
Ինչպես ավելի վաղ ասել էր Արտաքին գործերի նախարար Էդգար Ռինկևիչը, Լատվիան կաջակցի Բելառուսի պաշտոնատար անձանց նկատմամբ անհատական ​​պատժամիջոցներ կիրառելուն, որոնք պատասխանատու են բողոքի ակցիաները ճնշելու և ընտրությունների արդյունքների կեղծման համար:
Այսօր Ռինկևիչը հայտարարեց Բելառուսում ձերբակալված լատվիացիների ազատ արձակման մասին: