«Լուկաշենկոն անում է ամեն ինչ սեփական ժողովրդին հաղթելու համար». Արման Բաբաջանյան

ԱԺ պատգամավոր Արման Բաբաջանյանը սոցկայքի իր էջում գրել է․ «Բելառուսի իշխանությունը և անձամբ Լուկաշենկոն անում են ամեն ինչ հերթական անգամ հաղթելու սեփական ժողովրդին, սակայն դեռևս որևէ մեկի համար հստակ չէ, թե ինչի գնով է հաղթելու իշխանությունը, եթե խնդիրը սեփական ժողովրդին ամեն գնով հաղթելն է: Չէ՞ որ հաղթանակն ու պարտությունը որոշվում է նրանով, թե ինչի գնով է ձեռք բերվել մեկը և ինչ կորստի է հանգեցրել մյուսը: Հետևաբար շատ դժվար է իրադարձությունների այս փուլում դատողություն անել հաղթանակի ու պարտության մասին, առավել ևս, երբ հնչել է օգնություն աղերսող զանգն «ընկերոջը», եթե կյանքը շարունակվում է, ու առավել ևս՝ եթե ընտրությունն էլ կյանքը շարունակելու համար է, անկախ դրա արդյունքից»: