«Բածկան պատրաստ է իր երկիրը Պուտինին նվիրել, միայն թե պահի իշխանությունը». Վահրամ Թոքմաջյան

Պատմաբան Վահրամ Թոքմաջյանը ֆեյսբուքյան իր էջում գրել է. «Տարիներ առաջ, երբ Ռուսաստանում իշխանության էր Ելցինը, Լուկաշենկոն չէր բացառում միասնական պետության գաղափարը: Ի դեպ, Հայաստանից էլ էդ թեմայով աջակից «դհոլչիներ» կային: Հետո Լուկաշենկոն սկսեց հրաժարվել այդ գաղափարից:
Օրեր առաջ, երբ ես գրեցի «Մարտի մեկ»-ի հնարավոր շրջափուլի մասին բելառուսական միջավայրում, ինձ անվանեցին չարագույժ: Արդեն զոհեր կան ու բնավ ուրախ չեմ, ավելին՝ ցավում եմ, որ կանխատեսումս իրականացել է: Իհարկե, իրավիճակը համեմատելի չէ մեր մոտ տեղի ունեցածի հետ, բայց զուգահեռների հնարավորություն տալիս է:
Մարդիկ նաև պատմում էին, թե Բածկան շատ է սիրում իր երկիրը՝ ժողովրդին վնասելու համար:
Լուկաշենկոն երկար ժամանակ Պուտինի հետ խաղում էր ինքնիշխանության թեզերով: Հիմա արդեն ակնհայտ է, որ նա պատրաստ է իր երկիրը Պուտինին նվիրել, միայն թե, թեկուզ ռուսական սապոգով պահի իշխանությունը: Մարդ ինչքա՞ն չպտի սիրի իր երկիրը, որ պատրաստ լինի զոհել մի ամբողջ պետություն՝ իշխանություն պահելու համար:
Չնայած ինչու եմ զարմանում, նույնը տեղի է ունեցել մեզ մոտ»: