Վանա լճի ափին Էրդողանը պալատ է կառուցում

Թուրքիայի ներկայիս Բիթլիս նահանգի (Բաղեշ) Ահլաթ (Խլաթ) բնակավայրում՝ Վանա լճի ափին շարունակվում են մզկիթին կից նախագահական համալիրի շինարարական աշխատանքները։

Այստեղ՝ Թուրքիայի նախագահի համար առանձնացված սենյակում, Ռեջեփ Էրդողանը տիկնոջ՝ Էմինե Էրդողանի հետ ընդունելու է բարձրաստիճան հյուրերի։

Թուրքական լրատվամիջոցները հայտնում են, որ Մանազկերտի ճակատամարտում սելջուկ թուրքերի հաղթանակի առթիվ պետական մակարդակով կազմակերպվելիք միջոցառումների ժամանակ Էրդողանն ու իր կինը օգոստոսի 25-ին ժամանելու են Խլաթ և մնալու են իրենց համար նախատեսված այս համալիրի սենյակում։

Համացանցում հայտնվել են նաև սենյակի լուսանկարները։ Սենյակն արդեն ամբողջովին պատրաստ է՝ անկողնային և այլ պարագաներով, գրում է Ermenihaber-ը։