«Խունդկարյանը հայկական կոռուպցիոն արդարադատության հավաքական կերպարն է». Արմեն Խաչատրյան

ՀԱԿ իրավական հանձնաժողովի ներկայացուցիչ Արմեն Խաչատրյանը, «Ֆակտոր»-ի եթերում անդրադառնալով Դատավորների ընդհանուր ժողովի թեկնածուին՝ Երվանդ Խունդկարյանին, ասել է. «Անկեղծ պետք է լինեմ, որևէ բան չի կարող ինձ լռեցնել. Երվանդ Խունդկարյանն ինձ համար հայկական կոռուպցիոն արդարադատության հավաքական կերպարն է։ Մենք հիշում ենք ՄԻՊ-ի՝ 2013 թվականի աղմկահարույց զեկույցը, որտեղ եղած փաստերը չեն հերքվել»։

Նրա խոսքով՝ ՀՀ դատական համակարգում կան այնպիսի դատավորներ, որոնք կոռուպցիայի հետ առնչություն չունեն. «Ես կարծում եմ, որ կան այդպիսի դատավորներ, ես վստահ եմ, որ կարող է այդպիսի ընտրություն լինել։ Այստեղ սկսվում է հավի ու ձվի պատմությունը՝ դատական համակարգը ամբողջական բարեփոխումների ենթարկենք մինչև․․․ բայց մյուս կողմից գիտենք, թե այդ դատական համակարգն ինչ դատավորներից է կազմված և ովքեր են ընտրել այդ թեկնածուին, մնացածը արդեն ԱԺ-ի տիրույթում է»,- ասել է Արմեն Խաչատրյանը:

Մանրամասները՝ տեսանյութում: