Դատարանը մերժեց Մանվել Գրիգորյանին պատկանող ընկերության գույքի վրա դրված կալանքը վերացնելու միջնորդությունը

Մանվել Գրիգորյանի պաշտպանական կողմը նախորդ դատական նիստին միջնորդել էր վերացնել ամբաստանյալին պատկանող գույքի վրա դրված կալանքը վերացնելու միջնորդությունը: Այսօրվա դատական նիստին դատարանը հայտնեց, որ քրեական գործի նյութերը դեռևս հետազոտված չեն:

««Արա և Այծեմնիկ» ԲԲԸ-ի գույքի վրա արգելանք դնելու մասին որոշումը և դրանից բխող հանգամանքները մանրամասն հետազոտված չեն, բացի այդ դատարանը լիազորված է իրականացնել Սահմանադրությամբ իրեն վերագրված գործունեությունը. քրեական դատավարության օրենսգիրքը և Սահմանադրությունը թույլատրել-չթույլատրելու լիազորություններ դատարանի համար չի նախատեսել: Այսինքն՝ մասնավորապես, որոշում կայացնել թույլատրելու, որ «Արա և Այծեմնիկը» կատարի իր հարկային պարտավորությունները: Դատարանը երբեք չի արգելել որևէ կազմակերպության՝ հարկային պարտավորությունները կատարելու առումով: Հաշվի առնելով նշված հանգամանքները՝ դատարանը գտնում է, որ միջնորդութունն անհիմն է և ենթակա է մերժման»,- այս մասին հայտարարեց դատավոր Մնացական Մարտիրոսյանը: