«Արցախ մտնելու համար պահանջվում է 7000 դրամ. հատուկ մշակված ծրագիր է». Սյուզաննա Սիմոնյան

ՀԽ նախկին մամլո քարտուղար Սյուզաննա Սիմոնյանը ֆեյսբուքյան իր էջում գրել է. «Արցախ մտնելու համար մուտքի համար պահանջվում է, որ ամեն անձ 7000 դրամ վճարի։ Պատկերացնո՞ւմ եք Հայաստանից Հայաստան գնալու համար պետք է այդքան վճարել։ Այդ դեպքում՝ ինչո՞ւ մի մարզից մյուս մարզ գնալու համար չենք վճարում։ Ասենք մեկի տղան այնտեղ է ծառայում, պետք է վճարի՞ նրան տեսնելու համար։ Թե՞ չպետք է վճարի։ Եթե չպետք է վճարի, վարակ չի՞ կարող տանել Արցախ։ Եթե պետք է վճարի, նույնը․․․

Սա արված է, որպեսզի իրենց ոչ ցանկալի կուսակցությունները չկարողանան վճարել և գնալ Արցախ և այնտեղ քաղաքական գործունեությամբ չզբաղվեն։ Արցախ գնալը մերժված մկներին ու գործակալ ձկներին տրված առավելություն է։

Մտածե՞լ եք, թե ինչու է այդքան գումար սահմանված։ Եթե դա համավարակի համար է, ապա 7000 դրամ վճարելիս վարակ չե՞ս մտցնի Արցախ։ Այդ գումարը վարակազերծո՞ւմ է մարդուն։ Դա այն դեպքում, երբ վարակը գաղտնի շրջան ունի և կարող է միանգամայն ասիմպտոմ լինել։

Սա պետական մակարդակով կազմակերպված հերթական չարտեր թալա՞նն է, թե՞ պետական մակարդակով կազմակերպված արգելք այնտեղ մտնելու և քաղաքական որևէ ակցիա իրականացնելու համար։ Սա հատուկ մշակված ծրագիր է, դավաճանական քայլերն առանց խոչընդոտի իրականացնելու համար։ Բայց չգիտեն, որ նման դեպքում, ոտքի տակ կգցենք այդ արգելքը, կմաքրենք, կսրբենք մեր ճանապարհը և ոտնատակ տալով՝ Արցախ կհասնենք»։