«Տեսնում եմ այն, ինչը բանակի ներսում եղած ժամանակ չէի պատկերացնի». Սենոր Հասրաթյան

Արցախի Հանրապետության ՊՆ նախկին խոսնակ Սենոր Հասրաթյանը ֆեյսբուքյան իր էջում գրել է.

«Արդեն քանի օր է, բանակից դուրս վիճակում եմ: Շուրջ բոլոր տեսնում եմ այն, ինչը բանակի ներսում եղած ժամանակ չէի պատկերացնի: Ուզում եմ ինչ-որ բանի մասին գրել, բայց չի ստացվում: Տպավորություններս «նոր իրականության» շուրջ այնքան տարաբևեռ են, որ հենց գրիչը վերցնում եմ, մտքերս տակավին տանում են դեպի բանակ... Այնտեղ, իրոք, ամեն ինչ հստակ է, անգամ պատերազմի ժամանակ է հեշտ կողմնորոշվել... Այնտեղ կա կարգ ու կանոն, իսկ այստեղ ամենուր «ժողովրդավարության» շքերթ է: Մարդիկ այնտեղ հենց այնպես չեն խոսում, այլ տեղը-տեղին անում են այն, ինչը պարտավոր են անել, իսկ այստեղ անընդհատ բոլորը խոսում են, սակայն քչերն են իրենց գործն անում... Չգիտեմ ճիշտ եմ, թե սխալ, բայցևայնպես, սա ընդունեք որպես տպավորություն, գուցեև՝ խաբուսիկ: Կարևորն այն է, որ այս ամենը ժամանակավոր է, հետո, անկասկած, լավ է լինելու...»: