«Խնդիրն ինչո՞ւմն է, որ հրամանատարն ասել է չկրակել, զինվորն ասել է՝ ինչո՞ւ ես ասում չկրակե՞լ». Ս. Սարգսյան

«Ապրիլյան գործողություններից հետո համացանցում տարածվեց տեսանյութ, որտեղ երևում էր, որ մեր զինվորները հրահանգի էին սպասում՝ կրակե՞լ, թե՞ ոչ, պատասխան էր ստացվում՝ սպասե՛ք: Հրաման տալու հետ կապված ի՞նչ խնդիր էր եղել»,- դիմելով ՀՀ երրորդ նախագահին՝ հարց հնչեցրեց լրագրողներից մեկը:

«Առաջին գծում՝ կրակել, թե՞ չկրակել, որոշում է կոնկրետ ստորաբաժանման պատասխանատուն: Չեմ կասկածում, որ հրամանը ճիշտ հրաման էր: Նշանակում է՝ հենց էնպես չկրակել, թող հակառակորդը մոտենա, հասնի խոցման հարմար տեղին, որպեսզի կրակելով ոչնչացնես: Դա հրամանատարի բուն գործառույթն է՝ կրակե՞լ, թե՞ ոչ, ի՞նչ տարօրինակ բան կա: Խնդիրն ինչո՞ւմն է, որ հրամանատարն ասել է չկրակել, զինվորն ասում է՝ ինչո՞ւ ես ասում չկրակե՞լ»,- ասաց Սարգսյանը: