«Համոզվեցի, որ վիճակը լուրջ է». Կարեն Հեքիմյան

«Քաղաքացու իրավունքների պաշտպան» ՀԿ նախագահ Կարեն Հեքիմյանը ֆեյսբուքյան իր էջում գրել է. «5-6 տարի առաջ էր: Հավատացյալ մի երիտասարդ երազում էր քահանա դառնալ: Ընկերներիցս մեկը կատակով ասաց, որ քահանա դառնալու համար պետք է ռուսերեն սովորել: Եվ միայն ռուսերենի լավ իմացությունից հետո, հնարավոր կլինի, որ երիտասարդին որպես քահանա ընդունեն աշխատանքի: Երիտասարդն ընկերոջս ասածը լուրջ էր ընդունել և պատրաստվել էր ռուսերեն սովորել: Փաշինյան Նիկոլն ասում է, որ առանց անգլերենի և ռուսերենի մոշ աճեցնելը հնարավոր չէ: Սկզբից մտածեցի, որ կատակ է: Սակայն, երբ վերջինս սկսեց խոսել Հիսուսի երկրորդ գալստյան մասին, համոզվեցի, որ վիճակը լուրջ է: Փաստորեն, եկավ ռուսախոս հայ քահանաների և անգլախոս հայ մոշ աճեցնողների ժամանակը: Կարծում եմ, որ շուտով Հայաստանին անհրաժեշտ են լինելու բացառապես չինարեն խոսացող պատգամավորներ և էսպերանտիստ վարչապետ: Եվ միայն այդ դեպքում հնարավոր կլինի պատշաճ կերպով դիմավորել Հիսուսին»: