«Ինչո՞ւ հենց հիմա բռնապետը գնաց իր հերթական զոհին հոշոտելու». Ռոբերտ Անտոնյան

«Տեխնիկական անվտանգության ազգային կենտրոն» ՊՈԱԿ-ի փորձագետ Ռոբերտ Անտոնյանը ֆեյսբուքյան իր էջում գրել է. «Երեկ՝ օգոստոսի 21-ին, Տոմսկից Մոսկվա չվերթի ժամանակ թունավորել են ռուսական ընդդիմության առաջնորդ Ալեքսեյ Նավալնիին, որից հետո ինքնաթիռը պարտադրված իրավիճակով վայրեջք է կատարել Օմսկում։ Նավալնին մինչև հիմա գտնվում է կոմայի մեջ, իսկ վիճակը գնահատվում է կայուն ծանր։

Այս նողկալի հանցագործության ձեռագիրը շատ ծանոթ է և նրա զոհերի շարքը երկար է բավականին։ Նավալնին այսօր միակ ընդդիմադիր գործիչն է Ռուսաստանում, որ ի վիճակի է տասնյակ հազարավոր մարդկանց դուրս բերել փոցոց։ Ինչո՞ւ հենց հիմա արյունարբու բռնապետը գնաց իր հերթական զոհին հոշոտելու։ Հեղափոխությունը մոտ է թվում արդեն, այսինքն՝ հասունացել է։ Բելառուսական դեպքերն ի ցույց են դնում, որ դիկտատորների ժամանակներն անցել են արդեն, և մարդիկ ուզում են իրական փոփոխություններ, իսկ Ալեքսեյ Նավալնին այսօր Ռուսաստանում այդ փոփոխությունների խորհրդանիշն է համարվում...»: