«Պատմության մեջ չկա դեպք, որ ստրկամտության համար որևէ մեկին հարգեն». Ռուբեն Շուխյան

Պատմաբան Ռուբեն Շուխյանը սոցկայքի իր էջում գրել է. «Չեմ հասկանում՝ Գյումրին Հայաստանո՞ւմ է, թե մի այլ երկրի «անբաժան մասն» է կազմում արդեն: Եկեք վերջապես մի պահ սթափվենք ու մտածենք, որ այս 30 տարում ո՛չ Գյումրիում, ո՛չ Երևանում Սարդարապատի հերոսամարտի հուշարձաններ չկարողացանք տեղադրել: Էլ չեմ ասում, որ Երևանի Պանթեոնի հարևանությամբ, Մլերի հին գերեզմանոցի հատուկ առանձնացված տեղամասում 1918-ին Սարդարապատի հերոսների աճյուններն էին թաղվել՝ 1-ին հանրապետության օրոք այստեղ նախատեսվում էր կանգնեցնել հուշակոթող, բայց բոլշևիկ ապազգայինները ոչնչացրին այդ սուրբ շիրիմները: Չի կարելի այսպես, սթափվել է պետք, քանի դեռ ուշ չի՝ պատմության մեջ չկա այնպիսի մի դեպք, որ ստրկամտության համար որևէ մեկին հարգեն»: