«Թավիշի պերճանքն ու թշվառությունն է, վայելե՛ք»․ Լիզա Ճաղարյան

Լրագրող Լիզա Ճաղարյանը ֆեյսբուքյան իր էջում կիսվել է Հովսեփ Կուբատյանի տարածած տեսանյութով և կից գրել. «Ասե՞մ՝ ինչու են շարունակում այրել աղբարկղերը։ Որովհետև ոչ ոք չի հայտնաբերվում ու չի պատժվում։ Որովհետև նույնիսկ բացահայտվողները չեն պատժվում։ Որովհետև մինչ օրս հիշում եմ ու երբեք չեմ մոռանա, որ բեռնատարով լի աղբը բերել լցրել էին քաղաքի կենտրոնում, և քաղաքապետարանի աշխատակիցը (չեմ հիշում՝ ով էր) հպարտությամբ պատմում էր, որ ահա՛ «բռնացրել են» դեպքի վայրում (բեռնատարն էլ տեսանք, ի դեպ), բայց դե՝ դրան դատելն իրենց գործը չի։ Դե, ում էլ որ գործն է, չդատեց, որովհետև իրենք էլ են էդ հանցագործ բանդայի մի օղակը։
Իսկ եթե հենց այդ պահին այդ բեռնատարի վարորդը պատմեր, թե ովքեր են այդ «օպերացիայի» պատվիրատուները (հո մտքներովդ չի անցնում, որ էդ բեռնատարի վարորդն ինքն էր բեռնատարը աղբ լցրել ու հանուն հայրենիքի բերել լցրել էդտեղ), և բոլորին հավաքեին ու դատեին, կամ եթե չասեր՝ իրե՛ն դատեին, հետագայում էսքան չէին լկտիանա։
Թավիշի պերճանքն ու թշվառությունն է, վայելեք»: