«Եթե երևույթը շարունակվում է, ապա պետությունը դեռևս ազատագրված չէ». Վարուժան Ավետիսյան

«Սասնա ծռեր» կուսակցության համակարգող Վարուժան Ավետիսյանը ֆեյսբուքյան իր էջում գրել է․ «Ամուլսարի հանքարդյունաբերական ծրագիրը և, առհասարակ Հայաստանի գիշատչական հանքարդյունաբերությունը, հետևանք են պետության զավթման։

Եթե երևույթը շարունակվում է, ապա պետությունը դեռևս ազատագրված չէ։

Ամուլսարի ազատագրման պայքարը որպես ոչ քաղաքական սեպելու պատճառն իրականությունը չհասկանալն է կամ այն գիտակցաբար թաքցնելը։

Երկրորդ դեպքը հանցակցություն է։

Ի դեպ, համազգային տրամաչափի այդ խնդիրը մինչև Ջերմուկ համայնքի տրամաչափ նեղացնելը ևս երկրորդ դեպքի համատեքստում է։

Անկախ առկա թյուրընկալումներից և շահադիտականությունից՝ Հայաստանն ազատագրվելու է, և Ամուլսարը հանք չի դառնալու»։