«Մի՞թե հնարավոր չէր կանխել». Սարգիս Ալեքսանյան

ԱԺ «Լուսավոր Հայաստան» խմբակցության պատգամավոր Սարգիս Ալեքսանյանը ֆեյսբուքյան իր էջում գրել է. «Խաշթառակցի անմեղ բալիկը այդպես էլ գիտակցության չգալով հեռացավ այս անիրավ աշխարհից՝ թողնելով ապրողներիս սրտում անտանելի մորմոքը:
Քնել չի լինում: Մեղավորության, ցասումի և անկարողության զգացումը խեղդում է: Երեխաների հետ կապված այս ահասարսուռ ոճիրը առաջին դեպքը չէ հայ իրականության մեջ: Դեռ մեր սրտերում չի սպիանում գյումրեցի ընտանիքի և փոքրիկ Սերյոժայի, Երևանի շենքերից մեկում հոր՝ իր երկու երեխաների հետ ցած նետվելու և էլի նմանատիպ այլ դաժան սպանությունները:
Լավ, այս ինչ է կատարվում, որտեղ ենք բացթողումներ անում, միթե հնարավոր չէր կանխել:
Զգոնություն, սրտացավություն և համբերություն եմ մաղթում մեր հասարակությանը և տոկունություն վեցամյա երեխայի տատիկին ու վշտակից հարազատներին, նաև առողջություն և արագ ապաքինում բալիկի քույր-եղբայրներին»: