«Ինքը «նոր» Հայաստանում ստեղծել է կոռուպցիոն «նոր» համակարգ». Բագրատ Եսայան

ՀՅԴ ներկայացուցիչ Բագրատ Եսայանը ֆեյսբուքյան իր էջում գրառում է կատարել. «Հիմա հասկացա, թե ինչի էր ասում՝ «ղալաթ ա անում նա, ով ասում ա հիմա կոռուպցիա կա»։ Փաստորեն ինքն էլ գիտի, որ կա, բայց իրան թվում ա, որ դրա մասին չխոսեն, ժողովրդին հնարավոր կլինի խաբել, համոզել, որ էդպիսի բան չկա։ Ես նորից եմ ասում՝ գաղտնի հրամանով, խախտելով օրենքը, իր համախոհների աշխատավարձերը բարձրացնելն ամենաակնհայտ կոռուպցիոն հանցագործությունն է, որի համար Նիկոլը քրեական պատասխանատվության պետք է կանչվի։

Պարգևատրումների անվան տակ բյուջեից ներկայումս իրականացվող թալանն ամեն իմաստով համընկնում է կոռուպցիա երևույթի բնորոշմանը, այն է՝ կոռուպցիան անհատի կամ կազմակերպության կողմից իր ունեցած իշխանության չարաշահմամբ կատարված հանցավոր այն գործողությունն է, որի նպատակն է ապօրինի նյութական կամ ոչ նյութական շահի ստացումը։ Այնպես որ, Նիկոլն ինչքան էլ իրան պատեպատ տա, վրայի «վերնաշապիկը պատռի», ինքը «նոր» Հայաստանում ստեղծել է «նոր» կոռուպցիոն համակարգ, որի համար պատասխան է տալու»։