Գագիկ Խաչատրյանի պաշտպանը՝ դատարանի որոշման վերաբերյալ

«Երեկվանից փորձում էի վերլուծել՝ արդյո՞ք հնարավոր է, որ դատական արդար ակտ կայացվի»,- այս մասին լրագրողների հետ զրույցում ասաց Գագիկ Խաչատրյանի պաշտպան Երեմ Սարգսյանը՝ շեշտելով, որ բողոքարկելու են որոշումը: Հարցին, թե արդյոք այն հանգամանքը, որ Գագիկ Խաչատրյանի երկու որդիները, եղբորորդին հետախուզվում են, հիմք չէ դատարանի համար, որ Խաչատրյանը նույնպես, հավանաբար, կթաքնվի, պաշտպան Սարգսյանը պատասխանեց. «Միանշանակ ոչ, որովհետև երբ այս կապակցությամբ նախաքնական մարմինները դատարաններում նման հանգամանք են բարձրաձայնում, մյուս դատարանները թույլ չեն տալիս, որ մենք հակադարձենք»: