Ինչպես է #COVID_19-ը ազդել մարդկանց հոգեբանության վրա

223

Ուրբաթ, 28 օգոստոսի, 2020 թ., 20:55

SARS-CoV-2 կորոնավիրուսի համավարակը բացասական ազդեցություն է թողել միլիոնավոր մարդկանց հոգեբանական վիճակի վրա ամբողջ աշխարհում։ Այդ մասին Ժնևում տեղի ունեցած ճեպազրույցի ժամանակ հայտարարել է Առողջապահության համաշխարհային կազմակերպության (ԱՀԿ) գլխավոր տնօրեն Թեդրոս Ադհանոմ Գեբրեյսուսը։

Նրա խոսքով՝ COVID-19-ը տագնապ և վախեր է առաջացրել, ինչպես նաև խախտել է հոգեկան առողջության պահպանման ծառայությունների աշխատանքը։ Դա չէր կարող անհետևանք անցնել և բացասական ազդեցություն չունենալ մարդկանց հոգեբանական առողջության վրա։

Բացասական ազդեցություն են ունեցել նաև շատ երկրներում ընդունված կարանտինային միջոցառումները, ինչպես նաև՝ մարդկանց միջև շփման սահմանափակումները։ ԱՀԿ ղեկավարի տվյալներով՝ հոգեբանական շեղումներից տառապում է շուրջ մեկ միլիարդ մարդ։