«Էս նույն ձևով դատում ենք գազան ամուսնու ձեռքով սպանված կանանց մասին». Լիզա Ճաղարյան

Լրագրող Լիզա Ճաղարյանը ֆեյսբուքյան իր էջում գրել է. «Վատ լուր եմ կարդում։ 34–ամյա կին է ինքնասպան եղել։ Ինքնասպանին ներկայացնում է քաղաքապետը. «5 երեխա ուներ, 5-ն էլ տարբեր մարդկանցից»։
Հենց առաջին նախադասությունն է, ի դեպ։ ԱՄԵՆԱԿԱՐԵՎՈ՛ՐՆ է։ Այսինքն՝ էդքան դարդ մի արեք, գիտեք էլի, էն էլի՛, էն որ, տենց, ավելի լավ, որ մեռավ, ազգին խայտառակ էր անում։
Սխա՞լ եմ հասկացել։
Ուղղեք։
Էս նույն ձևով դատում ենք գազան ամուսնու ձեռքով սպանված կանանց մասին՝ դե մի բան արած կըլնի, էլի, որ սպանել է։
Հետո էլ զարմանում ենք, որ ինչ–որ գյուղում ինչ–որ պապ կամ հորքուր հոշոտում է վեց տարեկան երեխային։
Ես չեմ զարմանում»։