«Ինչո՞ւ հագավ ու մնաց այդ կոստյումի մեջ». Սյուզաննա Սիմոնյան

Նախկին ՀԽ մամլո քարտուղար Սյուզաննա Սիմոնյանը ֆեյսբուքյան իր էջում գրել է. «Այդ ինչպե՞ս է ստացվում, որ սեռժի օրոք Սահմանադրությունը կարված էր վարչապետի համար, հիմք էր դրվել սուպերվարչապետության, վարչապետն ամեն ինչ կարող էր, այսինքն՝ վարչապետի իրավունքներն անսահման լայնացած էին, և այսօր, երբ չի փոխվել Սահմանադրություն և չի փոխվել սուպերվարչապետությանը վերաբերող որևէ դրույթ, և մի վարչապետին ընդամենը փոխարինել է մեկ այլ վարչապետ, հանկարծ ծիծաղելիորեն գործածվում են վարչապետի իրավասությունը չէ, վարչապետը չի միջամտում, վարչապետը չի կարող, վարչապետը չգիտի արտահայտությունները։ Ո՞ւր է կորել ձեր տրամաբանությունը, որ ինքներդ ձեզ հարց տաք՝ եթե օրենքներ չեն փոխվել սուպերվարչապետությունում, ապա ինչպես է, որ վարչապետը թերանում է։ Թե՞ խախտում է իրեն ընձեռված հնարավորությունները։ Ինչո՞ւ է խախտում։

Իսկ ինչո՞ւ չփոխեց Սահմանադրությունը։ Եվ ընդհանրապես ինչո՞ւ հագավ ու մնաց այդ կոստյումի մեջ, եթե իր դերում, թեկուզ սեռժի կարած, չպետք է լիներ։ Թե՞ ձեռնտու չէ սեռժի կոստյումից այսօր օգտվելը և արդարադատություն հիմնելը»։