«Դա կատարվում է ձեր բարեկամների կողմից». լրագրողը՝ Արայիկ Հարությունյանին

«Այն պաշտոնյան, որը բռնություն է կիրառելու, իր ենթակայի նկատմամբ ոչ վայել վերաբերմունք է ցուցաբերելու, աշխատանքից ազատվելու է: Եթե իրավական համակարգում բռնության դեպքեր կան, խնդրում եմ՝ ներկայացրեք: Ինչ վերաբերում է հետապնդումներին, ասեք, տեսնենք՝ ո՞ւմ ենք հետապնդել»,- ասուլիսի ժամանակ հայտարարեց Արայիկ Հարությունյանը: «Քաշաթաղի շրջանի գյուղատնտես Փայլակ...»,- արձագանքեց Arcakh24.info-ի լրագրող Մարատ Եգանյանը: «Ես այդ մարդուն չեմ էլ ճանաչում, եթե ամեն մի հայտարարություն, ամեն մի մարդ, որը չի կայացել.... Փայլակին չեմ էլ ճանաչում, կյանքում տեսած չկամ, կարող ա պատահական ժողովին ներկա է եղել»,- հնչեցրեց նախագահը: «Ո՞նց կարող ենք մոռանալ հետապնդման մասին, եթե առնվազն իմ ընտանիքի նկատմամբ՝ ինձ, կնոջս աշխատանքից հեռացրել են, քրոջս էլ համալսարանից: Ու դա կատարվում է ձեր բարեկամների կողմից»,- հայտարարեց Մարատ Եգանյանը: «Կդիմես, տեսնենք՝ իրականում ինչ է եղել»,- արձագանքեց Արցախի նախագահը: