«Ինքը եղել է, կա ու կլինի ռուսական շահերի սպասարկողը». Լյովա Եղիազարյան

«Հանրապետություն» կուսակցության անդամ Լյովա Եղիազարյանը ֆեյսբուքյան իր էջում գրել է. «Գլխավոր ամբաստանյալը ռուսական հեռուստատեսությանը տված հարցազրույցով հաստատեց, որ ինքը եղել է, կա ու կլինի ռուսական շահերի սպասարկողը: Ստերով, կեղծիքներով ու բամբասանքով համեմված այս հարցազրույցը շողոքորթության կլասիկ օրինակ էր, որը հատուկ է միայն իր շահը երկրի շահից գերադասող հանցագործ, ստրկամիտ ղեկավարին:
Ասում է, որ իր պաշտպանները չգիտեն, թե ինչի մեջ են իրեն մեղադրում, թե ինքը անտեղյակ է, որ Հայաստանում գործել է Սորոսի հիմնադրամը: Այս «անտեղյակի» լկտի ցինիզմը սահմաններ չունի:
Հոկտեմբերի 27-ից տեղյակ չէ, Մարտի 1-ից տեղյակ չէ, 0038 հրամանից տեղյակ չէ, ընտրակեղծիքներից, սպանություններից, խոշտանգումներից, թալանից տեղյակ չէ:
Բանը կարող է հասնել նրան, որ ինքը կարող է ասել, թե տեղյակ չի եղել, որ Հայաստանի քաղաքացի չէր, երբ 1998-ին դարձավ նախագահ:
Բա, ասում էիր՝ միակ տղամարդն ես:
Բա, տղամարդը անտեղյակ կլինի՞»: