«Ինչո՞ւ վարչապետը չի արձագանքում Ամուլսարի համար ընթացող վերջին զարգացումներին». պարզաբանում է Էդուարդ Աղաջանյանը

«Որոշումների կայացման փուլում ենք, ունեցել ենք խորհրդատվություն տվյալ թեմայի վերաբերյալ: Այս հացը Կառավարության ուշադրության կենտրոնում է և հավաստիացնում եմ, որ Կառավարությունը կոնկրետ գործողություններ է իրականացնում, այդ թվում՝ նաև իրավական դաշտը կարգավորելու համար»,– այսօր լրագրողների հետ զրույցում՝ արձագանքելով դիտարկմանը, թե Ամուլսարի համար պայքարողները դժգոհում են, որ վարչապետ Նիկոլ Փաշինյան Ամուլսարի համար ընթացող վերջին զարգացումներին չի արձագանքում, ասել է Կառավարության աշխատակազմի ղեկավար Էդուարդ Աղաջանյանը:

Նա նշել է, որ Ամուլսարի հետ կապված մի քանի գործընթաց կա տարբեր մարմիններում, և դրանով է պայմանավորված Կառավարության կողմից որոշումների կայացման զգուշավորությունը. «Քանի որ ցանկացած որոշում կարող է իրավական հետևանքներ ունենալ ոչ միայն քաղաքական թիմի համար, այլև ՀՀ միջազգային համատեքստում»,- ասել է պաշտոնյան։

Մանրամասները՝ տեսանյութում: