«Ախր դու ո՜ւր, քեզնմաններն ո՜ւր». Լիզա Ճաղարյան

Լրագրող Լիզա Ճաղարյանը ֆեյսբուքյան իր էջում գրել է. ««Իրավապաշտպան» Ավետիք Իշխանյանն ասել է. «Վահե Գրիգորյանի համար ոչ թե իր մասնագիտությունն ու ՍԴ-ն են կարևոր, այլ՝ անձնական բարեկեցությունը»։
Պարոն Ավետիք Իշխանյան, դու, իհարկե, «մոտիկից» գիտես, թե անձնական բարեկեցությունը պետության շահից վերդասողներն ինչով էին զբաղված ռոբասերժական բանդայի տարիներին։ Զբաղված էին հանցագործներին ծառայելով և իրենց նողկալի հրճվանքը չթաքցնելով, թե ոնց են ծեծում, ջարդում, բանտարկում ու սպանում ցուցարարներին, իրենց տներից գազանաբար հանում ու դուրս շպրտում երևանցիներին՝ «հանուն գերակա շահի»։
Ա՛յ, էդ ժամանակվանից էր ձեզ նման «իրավապաշտպաններին» կատաղեցնում, որ Վահեն «իր անձնական բարեկեցության» համար պաշտպանում էր հանցագործ իշխանության սմբակների տակ հայտնված քաղաքացիների շահերը, ոչ թե կանգնում էր ձեր ու ձեր «մոտիկների» կողքը ու ձեռքերը շփում հաճույքից։
Ախր դու ո՜ւր, քեզնմաններն ո՜ւր, որ Վահեի մասին դատողություններ անեն։
Լավ, գահավիժել՝ գահավիժել, բայց էսքա՞ն, պարոն «իրավապաշտպան» կոչեցյալ»։