«Կիսագրագետներն ավելի վտանգավոր են, քան անգրագետները». Արա Պապյան

«Մոդուս Վիվենդի» հետազոտական կենտրոնի ղեկավար, դիվանագետ Արա Պապյանը ֆեյսբուքյան իր էջում գրել է. «Քիչ արաջ բախվեցի մի երևույթի, որը, ինչպես նաև նախկինում եմ ասել, ապացուցում է այն պնդումը, որ կիսագրագետներն ավելի վտանգավոր են, քան անգրագետները:

Իմ շատ գրագետ, ազնիվ, արցախաբնակ ընկերներից մեկը նյութ է հրապարակել ֆեյսբուքում: Որպես հայերենի փայլուն մասնագետ՝ նա, ըստ իր համազումների, նյութը գրել է դասական ուղղագրությամբ: Մի տիկին, ինչպես հաճախ է պատահում, չկարողանալով հակադարձել փաստերին, անցել է անձնական գնահատականների և գրել է. «Եթե մեկն այսքան սխալներով է գրում, ապա գրածն ինչ պիտի լինի»:

Սա բացառիկ ակնառու օրինակ է, երբ մի քիչ գրագետ անձն սկսում է դատողություններ անել: Նա այնքան գիտելիք ունի, որ իրեն գրագետ համարի և թերևս «ճիշտ» ուղղագրություն իմանա: Բայց միևնույն ժամանակ չունի այնքան գիտելիք, որ հասկանա՝ կա մեսրոպեան ուղղագրութիւն: Ըստ էության՝ բուն հայերեն ուղղագրություն և դա սխալ չէ, այլ բնիկ ուղղագրությանը հարազատ մնալու համոզում:

Սա այն տեսակն է, որ գիտի Սևրի պայմանագիրը չի վավերացվել: Բայց չունի այնքան գիտելիք, որ հասկանա՝ այն առանց վավերացման էլ, մի շարք հանգամանաքների պատճառով, ամրագրում է հայոց հողային իրավունքները և Միջին Արևելքի ներկայիս քաղքական իրավիճակը:

Սա այն տեսակն է, որ գիտի Ռուսաստանը մեզ օգնել է: Բայց միևնույն է չգիտի՝ ինչքան է խանգարել:

Սա այն տեսակն, որ գիտի՝ անկախությունը լավ բան է: Բայց չգիտի, որ Արցախի պարագային դա կործանում է: Ու լիքը նման բաներ:

Կյանքը շատ հետաքրքիր բան է, հատկապես կիսագրագետների համար: Եվ ինչպես ասում է Աստվածաշունչը՝ երնեկ հոգով աղքատներին»: