«Ոնց Նիկոլը Հայկին շպրտեց այս կառույց, այդպես էլ իրենց պետք է շպրտել». Բաբկեն Հարությունյան

««Հանրային վերահսկողության կենտրոն» ՀԿ-ն օգոստոսին հարցումներ էր ուղարկել Երևանի քաղաքապետարան, թե որքանո՞վ են իրականություն դարձել Հայկ Մարությանի նախընտրական խոստումները, պահանջել էինք տեղեկատվություն՝ կատարված աշխատանքների վերաբերյալ»,- Երևանի քաղաքապետարանի դիմաց միայնակ ակցիայի ժամանակ հայտարարեց ՀԿ նախագահ Բաբկեն Հարությունյանը: «Պարգևավճար լափող կառույցի սանձարձակությունն այնքան է անցել, որ հարցումից տևական ժամանակ հետո զանգ եմ տալիս քաղաքապետարան, պահանջում բացատրություն, ասում են՝ կպատասխանենք, բայց մեկ շաբաթ է անցել ու որևէ մեկը կրկին չի արձագանքել: Սա խոսում է ապիկար քաղաքապետի, բարձիթողի քաղաքապետարանի մասին»,- հավելեց Հարությունյանը: Նա մեխակներ էր բերել, որը նետեց քաղաքապետարանի դիմաց: «Կառույցը գոյություն չունի, մահացած է, ենթակա է թաղման... Իրենց պետք է շպրտեն՝ ոնց Նիկոլը բերեց, Հայկին շպրտեց այս կառույց՝ իբր քաղաքապետ աշխատելու, բայց համաճարակի ամենածանր հատվածում էս տղեն կորել էր»,- ասաց նա: