«Երկու տարի շարունակ ԱԱԾ-ից ինֆորմացիայի արտահոսք է եղել». Սեդա Սաֆարյան

«Մարտի 1»-ի գործով տուժողի ներկայացուցիչ, փաստաբան Սեդա Սաֆարյանի ունեցած տեղեկություններով՝ օպերատիվ տվյալների իրացման գործընթացքում երկու տարի շարունակ ԱԱԾ-ում տեղեկատվության հոսք է եղել, ինչը շատ բացասական է անդրադարձել Հատուկ քննչական ծառայության աշխատանքի վրա, որն զբաղվում է «Մարտի 1»-ի մայր գործի նախաքննությամբ։

Այսօր՝ ասուլիսի ժամանակ, Սեդա Սաֆարյանն ասաց, որ փորձ է արվել պետական մակարդակով դա ուղղել, բայց որևէ անձի փոփոխությունը դեռ կադրային փոփոխություն չէ: Նրա խոսքով՝ այն օղակները, որ պետք է դրանով զբաղվեն, չեն ցանկանում զբաղվել, և բոլորին հայտնի է, թե ինչու․ «Եթե Վանեցյանն այսօր զբաղվում է քաղաքական ինտրիգներով, պատկերացնո՞ւմ եք այս երկու տարվա ընթացքում ՀՔԾ-ի հետ համագործակցելու նրա մեեխանիզմը և ցանկության բացակայությունը, դրա արդյունքում տեղեկատվական արտահոսք եղել է, և կան սպանություններ, որոնք ներկա պահին բացահայտված չեն»,- ասել է նա:

Առավել մանրամասն՝ տեսանյութում: