Հրայր Թովմասյանի և նրա սանիկի գործով դատական նիստը հետաձգվեց

Երևանի ընդհանուր իրավասության դատարանի Կենտրոնի նստավայրում դատավոր Տաթևիկ Գրիգորյանի նախագահությամբ այսօր հետաձգվեց Հրայր Թովմասյանի և նրա սանիկի՝ Նորայր Փանոսյանի գործով դատական նիստը, քանի որ նիստին չէր ներկայացել Փանոսյանը: Վերջինը պարետատան որոշումն էր ուղարկել դատարան իրեն ցուցված ինքնամեկուսացման վերաբերյալ։

Դատական նիստը նշանակվեց սեպտեմբերի 14-ին:

Հիշեցնենք՝ Հրայր Թովմասյանին մեղադրանք է առաջադրվել ՀՀ քրեական օրենսգրքի 308-րդ հոդվածի հատկանիշներով՝ պաշտոնեական լիազորությունները չարաշահելու համար։ Իսկ նրա սանիկը՝ ՀՀ արդարադատության նախկին բարձրաստիճան պաշտոնյա Նորայր Փանոսյանը, մեղադրվում է ՀՀ ՔՕ-ի 308-րդ հոդվածի 2-րդ մասով, այն է՝ պաշտոնեական լիազորությունները չարաշահելը, որն անզգուշությամբ առաջացրել է ծանր հետևանքներ։