Հայտնի է Արթուր Դանիելյանի և Ալեն Սիմոնյանի գործով դատական առաջին նիստի օրը

«Ադեկվադ» կուսակցության նախագահ Արթուր Դանիելյանի և ԱԺ փոխնախագահ Ալեն Սիմոնյանի մասնակցությամբ միջադեպի վերաբերյալ քրգործով դատական առաջին նիստը տեղի կունենա սեպտեմբերի 9-ին՝ ժամը 12:30-ին:

Այս մասին տեղեկանում ենք Դատական տեղեկատվական համակարգից:

Գործը Երևանի ընդհանուր իրավասության դատարանի Ավան և Նոր Նորք նստավայրի դատավոր Արմինե Մելիքսեթյանի վարույթում է:

Ալեն Սիմոնյանի և Արթուր Դանիելյանի միջև ապրիլի 29-ին ընդհարում էր եղել. հնչել էին սեռական բնույթի հայհոյանքներ, ինչին հաջորդել էր ծեծկռտուքը։

Ավելի ուշ համացանցում տարածվել էր Ալեն Սիմոնյանի կողմից Արթուր Դանիելյանի վրա հարձակման և գլխով հարվածելու տեսանյութը: