«Սևանում նավակով զբոսանքները դժվար օգնեն ազատվել այդ հիշողությունից». Ժ. Ալեքսանյան

Իրավապաշտպան Ժաննա Ալեքսանյանը ֆեյսբուքյան իր էջում գրել է. «Մարտի 1-ի գործով երեկվա դատական նիստում դատարանը մերժել է Քոչարյանի պաշտպանների տուժողներին վկայի վերածելու մասին միջնորդությունը: Սա, իհարկե, լավ մտածված քայլ է, հոգեբանական քայլ և, ըստ ամենայնի, այն կարող էր ծագել հենց Քոչարյանի գլխում: Լիակատար երջանկության համար պետք է ազատվել տուժողներից և տուժող հասկացության հետ կապված ցանկացած երևույթից: Սա կջնջի մարտի 1-ի հետ կապված ցանկացած հիշողություն և սա է լիակատար երջանիկ լինելու բանալին: Ոչ խիղճ, ոչ պատասխանատվություն, փոխարենը տուժողների նկատմամբ վերաբերմունքի՝ հարգանքի իսպառ բացակայություն: Քոչարյանն իրենից որքան հնարավոր է հեռացնում է մարտի 1-ը: Սևանում նավակով զբոսանքները դժվար օգնեն ազատվել այդ հիշողությունից, իսկ փաստաթղթերով նա իրեն ավելի վստահ կզգա»: