Կիրակի, 13 սեպտեմբերի, 2026 թ.
|
Ստեփանակերտում`   +17 °C

Ոստիկանները դիմակ չկրելու մեղադրանքով կնոջը քաշքշել, ապա բռնի ուժով բերման են ենթարկել

Ոստիկանները դիմակ չկրելու մեղադրանքով կնոջը քաշքշել, ապա բռնի ուժով բերման են ենթարկել
835
Երեքշաբթի, 15 սեպտեմբերի, 2020 թ., 23:05

Մալաթիա-Սեբաստիա համայնքի Րաֆֆու փողոցում այսօր երեկոյան հրմշտոց, քաշքշուկ ու կռիվ է եղել քաղաքացու և ոստիկանների միջև: Aravot.am-ի հաղորդմամբ՝ մի քանի ոստիկաններ մի կնոջ են կագնեցրել՝ դիմակ չդնելու համար, վերջինս էլ պնդել է, թե ինքը դիմակ կրել է: Աղբյուրը մասնավորապես գրում է. «Ոստիկանները թույլ չէին տալիս, որ կինը գնա, ասում էին՝ սպասեք մեքենան գա, կինն էլ դժգոհում էր՝ ի՞նչ մեքենա, հանցագո՞րծ եմ, ինձ վատ եմ զգում, թողեք գնամ: Հետո կինն սկսեց գոռգոռալ, լաց լինել: Խառնվեցին թաղի տղաներ, նրանք հորդորում էին ոստիկաններին՝ կնոջ հետ հարգալից խոսել: Ոստիկանները կնոջ թևից բռնած՝ փորձում էին բերման ենթարկել, նա ասում էր՝ թևս ջարդած ա:

Խառնաշփոթի մեջ ոստիկանները նկատեցին, որ իրենց գլխավոր թիրախը՝ դիմակ չկրած կինը, չկա, փախուստի է դիմել ու սկսեցին վազել նրա հետևից: Ավելի ուշ շենքերի արանքից ոստիկանները կնոջ թևերից բռնած՝ նստեցրին ոստիկանական մեքենա ու տարան բաժին»:

Առավել մանրամասն՝ սկզբնաղբյուրում: