Apple-ը ներկայացրեց 2020 թվականի նորույթները

3403

Չորեքշաբթի, 16 սեպտեմբերի, 2020 թ., 00:00

Apple ընկերությունը ներկայացրեց իր ամենամյա շնորհանդեսը, որի ժամանակ ցուցադրվեցին ընկերության նոր ձեռքբերումները: Բացելով շնորհանդեսը՝ ընկերության ղեկավար Թիմ Քուքն ասաց, որ այս անգամ կենտրոնանալու են երկու արտադրանքի վրա՝ iPad-ի և Apple Watch-ի:

Նա մասնավորապես նշել է, որ վեցերորդ սերնդի Apple Watch-ը կարողանում է 15 վայրկյանում ցույց տալ արյան մեջ թթվածնի պարունակության մակարդակը: Այն նաև

համալրվել է S6 նորագույն պրոցեսորով, որը նախորդից 20 տոկոսով ավելի արագ է աշխատում:

Apple Watch Series 6 նորագույն ժամացույցն ունի նաև ժամանակի պահանջին համահունչ գործառույթ, որը վերահսկում է, թե ինչպես են օգտագործողը կամ նրա երեխան լվանում ձեռքերը: Գաջեթն արժե 399 դոլար:

Դրա ավելի մատչելի տարբերակը ևս ներկայացվել է. Apple Watch SE-ն աշխատում է S5 պրոցեսորով և արժե 279 դոլար:

Ներկայացվել է նաև նորագույն՝ 8-րդ սերնդի iPad, որն աշխատում է A12 Bionic պրոցեսորով: Այն երկու անգամ ավելի արագ է, քան Windows laptop նոթբուքը, 3 անգամ ավելի արագ, քան Android համակարգով աշխատող պլանշետը և 6 անգամ ավելի արագ, քան Chromebook-ը: Այն կարժենա 329 դոլար:

Նորույթների շարքում է նաև iPad Air-ը, որի գինը մեկնարկում է 599 դոլարից: Նորույթի Touch ID-ն այժմ ներկառուցված է միացման ստեղնի մեջ, որը տեղակայված է պլանշետի վերին անկյունում:

Առաջին անգամ իր շնորհանդեսի ընթացքում Apple-ը չներկայացրեց նոր iPhone, պատճառը կրոնավիրուսային սահմանափակումներն են: