«Մանկան տուն» ՊՈԱԿ-ի երկու աշխատակցուհիներ ձերբակալվել են
273 Շաբաթ, 19 սեպտեմբերի, 2020 թ., 18:30 ՀՀ քննչական կոմիտեի Երևան քաղաքի քննչական վարչության Կենտրոն և Նորք-Մարաշ վարչական շրջանների քննչական բաժնում քննվող քրեական գործով իրականացված մեծածավալ քննչական և այլ դատավարական գործողությունների, ինչպես նաև ոստիկանության հետ համատեղ իրականացված օպերատիվ-հետախուզական միջոցառումների արդյունքում բացահայտվել է «Մանկան տուն» ՊՈԱԿ-ի աշխատակիցների կողմից նշված հաստատության սաներին առերևույթ ծեծի ենթարկելու և նրանց նկատմամբ պարբերաբար դաժան վերաբերմունք դրսևորելու դեպք: Փաստի առթիվ ՀՀ ոստիկանության Երևան քաղաքի վարչության Կենտրոնական բաժնում 2020թ. սեպտեմբերի 18-ին հարուցվել է քրեական գործ՝ ՀՀ քրեական օրենսգրքի 119-րդ հոդվածի (Ֆիզիկական ուժեղ ցավ կամ հոգեկան ուժեղ տառապանք պատճառելը) 2-րդ մասի 3-րդ և 5-րդ կետերով, որը նույն օրն ուղարկվել է ՀՀ քննչական կոմիտեի Երևան քաղաքի քննչական վարչության Կենտրոն և Նորք-Մարաշ վարչական շրջանների քննչական բաժին և ընդունվել վարույթ: ՊՈԱԿ-ի երկու աշխատակցուհիներ ձերբակալվել են՝ սաների նկատմամբ Ֆիզիկական ուժեղ ցավ կամ հոգեկան ուժեղ տառապանք պատճառելու կասկածանքով, և հարցաքննվել դեպքի շուրջ: Քրեական գործով էական նշանակություն ունեցող հանգամանքներ պարզելու նպատակով նշանակվել են դատաբժշկական փորձաքննություններ: Նախաքննությունը շարունակվում է: Ձեռնարկվում են անհրաժեշտ քննչական և դատավարական այլ գործողություններ՝ դեպքի բոլոր հանգամանքները պարզելու, օբյեկտիվ, լրիվ և բազմակողմանի քննությունն ապահովելու ուղղությամբ: |
«Գառնիկ Դանիելյանին տեղափոխում են Նոյեմբերյանի հիվանդանոց». Քրիստինե Վարդանյան
1714:24«Ոստիկանները շատ վատ են տրամադրված քաղաքացիների նկատմամբ»․ Արթուր Սարգսյան (տեսանյութ)
4814:00Ոստիկանների հետ բախման հետևանքով Գառնիկ Դանիելյանն ուշաթափվեց (տեսանյութ)
5513:48Գերասիմ Վարդանյանին բերման ենթարկեցին (տեսանյութ)
7813:24«Դե պատկերացրու, որ պապան աթոռին չլինի, ինչ կանեն ձեր հետ». Վարդան Ղուկասյան (տեսանյութ)
10213:18Քաղաքացիները փակեցին Չարենցի փողոցը (տեսանյութ)
8713:06Քաղաքացիները միջպետական ճանապարհներ են փակել (տեսանյութ)
7512:48«STOP NIKOL». ակցիա՝ Կառավարության շենքի դիմաց (տեսանյութ)
8512:36