«Առավոտյան արթնացա, տեսնեմ՝ մեր տան վրա, գյուղի վրա կրակ է թափվում». Բերքաձորի բնակիչ

Ասկերանի շրջանի Բերքաձոր համայնքի 10 հոգանոց ընտանիքը թաքստոցում է. տունը հրետակոծվել է հակառակորդի կողմից. «8 երեխա ունեմ, ամենափոքրը 5 ամսական է.... Առավոտյան 7-ից 10 պակաս արթնացել եմ, տեսնեմ՝ մեր տան վրա, մեր գյուղի վրա կրակ է թափվում: Մեծ տղայիս ասել եմ՝ հագցրա էրեխեքին, դուրս ենք գալիս: Մեզ բերել են Ստեփանակերտի մանկական հիվանդանոց»,- պատմում է Նավասարդյանների ընտանիքի հայրը:

Նրա խոսքով՝ մեկ տարի առաջ էին տուն ստացել, այն էլ, ինչպես ինքն է ասում՝ «հարամեցին»: