«Դրանով հարվածի տակ են դնում ՀՀ ողջ գործունեությունն Արցախի տարածքում». Արա Պապյան

«Մոդուս Վիվենդի» հետազոտական կենտրոնի ղեկավար, դիվանագետ Արա Պապյանը ֆեյսբուքյան իր էջում գրել է. «Նրանք, ովքեր հանդես են գալիս Արցախի հետ ռազմաքաղաքական դաշինք կնքելու օգտին, գոնե պատկերացնո՞ւմ են դրա իրավական հետևանքները:

Դա արվում է, որ իբր ՀՀ համար իրավական հիմք ստեղծվի Արցախին օգնելու համար: Իսկ չե՞ն մտածում, որ դրանով հարվածի տակ են դնում ՀՀ ողջ գործունեությունն Արցախի տարածքում առ այսօր, այդ թվում նաև ՀՀ ԶՈՒ՝ այնտեղ գտնվելը:

ՀՀ զիվորն ու կամավորն Արցախում է, որովհետև Արցախը ևʹ դե յուրե, ևʹ դե ֆակտո ՀՀ մաս է: Մի՞թե մինչև հիմա չեք հասկացել:

Միակ բանը, որ պետք է անել՝ վերացնել լիակատար և ամբողջական միասնությանը խոչընդոտող գործոնները՝ սուտի նախագահին, սուտի խորհրդարանը, նախարարությունները, ռոմինգը, անցակետերը, մաքսակետերը և այլն»: