«Արցախի հյուսիսում հակառակորդն ակտիվ է. հարվածում են հրետանին, ՕՀՄ-ները. կիրառվում են օդ-ցամաք հեռահար հրթիռներ». Ա. Հովհաննիսյան

359

Չորեքշաբթի, 30 սեպտեմբերի, 2020 թ., 10:35

ՊՆ ներկայացուցիչ Արծրուն Հովհաննիսյանը ֆեյսբուքյան իր էջում գրել է. «Արցախի հյուսիսում հակառակորդն ակտիվ է։ Հարվածում են հրետանին, ՕՀՄ-ները:

Ադրբեջանի ռազմաօդային ուժերը խառը մարտակարգով ռմբաավիացիոն հարվածներ են հասցնում, օգտագործվում են նաև թուրքական արտադրության ԱԹՍ-ներ։
Օդում են նաև Թուրքիայի Հանրապետության ռազմաօդային ուժերին պատկանող F-16 բազմաֆունկցիոնալ կործանիչները։
Հակառակորդի օդուժը գործում է հեռվից՝ չմտնելով ՀՕՊ միջոցների խոցման տիրույթ։ Կիրառվում են օդ-ցամաք հեռահար հրթիռներ։ Օդաչուների թուրքերենով խոսակցություններն արձանագրված են»։