«Մարդկային բանականությունն ու նվիրվածությունը չես կարող թվաբանությամբ հաշվել». ՀՀ նախագահ

ՀՀ նախագահ Արմեն Սարգսյանն այսօր Հանրային հեռուստաընկերության եթերում հայտնել է, որ հիացած և զգացված է հայերի՝ վերջին հինգ օրերին ցուցաբերած պատասխանատու և կանոնակարգված պահվածքով:

«Ես երբ դասավանդում էի դրսում, միշտ նույն խորհուրդն էի լսում «բարեկամներից», թե հայերը փոքրաթիվ են, Ադրբեջանը շատ ավելի մեծ է, ավելի մեծ քանակության զենք ունի, Թուրքիայի անուղղակի աջակցությունն ունի և այլն: Այսինքն, նրանց թվաբանությունն ասում էր՝ Հայաստանը և Արցախի ժողովուրդը որևէ շանս չունի այս պատերազմը հաղթելու համար: Բայց պարզվեց, որ մեր կյանքը թվաբանություն չէ: Պարզվեց, որ մեր կյանքը շատ ավելի բարձր և բարդ կոմպլեքս հանրահաշիվ է և, գուցե, ավելին, որովետև մարդկային բանականությունն ու նվիրվածությունը չես կարող թվաբանությամբ հաշվել: Այս ամենի մեջ նրանք հաշվի չեն առնում մարդկային էությունը. մարդիկ չեն կարող պատկերացնել, որ ամեն հայ ունի գերբնական ուժ, որը գալիս է իր անցած ճանապարհից, իր էությունից, գուցե գենետիկայից, գուցե նրանից, որ ամեն հայի մեջ նստած է մի քանի մեծ արժեք»,- ասել է ՀՀ նախագահը:

Մանրամասները՝ տեսանյութում: