«Խաղաղություն պարտադրելու մի քանի ձև կա». Մասիս Մայիլյան

«Համոզված ենք, որ Արցախի Հանրապետության անկախության ճանաչումը կարող է ծառայել որպես լծակ, մեխանիզմ՝ տարածաշրջանում խաղաղություն հաստատելու համար»,- այսօր ճեպազրույցի ժամանակ ասաց Արցախի ԱԳ նախարար Մասիս Մայիլյանը։

Հարցին, թե պատրա՞ստ է արդյոք հայկական դիվանագիտությունը շարունակել բանակցությունները այս ստատուս-քվոյի պայմաններում, Մայիլյանն ասաց, որ առնվազն պետք է վերականգնել առաջնագիծը, և միջազգային հանրությունը պետք է նպաստի դրան։

Անդրադառնալով հարցին, թե ինչպե՞ս պետք է խաղաղություն պարտադրվի, Մասիս Մայիլյանը նշեց, որ խաղաղություն պարտադրելու մի քանի ձև կա․ մեկն այն է, ինչ մեր բանակն անում է ռազմի դաշտում։

«Երկրորդ ձևը, եթե խոսում ենք Ադրբեջանի ու Թուրքիայի մասին, միջազգային տարբեր գործիքակազմերը, ինչպես ասում ենք, համոզելը, սանկցիաները»,- ասաց նախարարը։