«Նախարարության ոսկե մեդալներ՝ հերոսների դպրոցներին». Արայիկ Հարությունյան

ԿԳՄՍ նախարար Արայիկ Հարությունյանը ֆեյսբուքյան իր էջում գրել է. «Նախարարության ոսկե մեդալներ՝ հերոսների դպրոցներին

Այսօր որոշում եմ կայացրել Արցախի ազգային 5 նոր հերոսների մեջ քաղաքացիական բարձր պատասխանատվություն և հայրենասիրություն սերմանելու ու հանուն Հայրենիքի անձնազոհության որակներ փոխանցելու համար վաղը՝ հոկտեմբերի 5-ին նշվող Ուսուցչի օրվա առիթով հերոսների դպրոցներին պարգևատրել Հայաստանի Հանրապետության կրթության, գիտության, մշակույթի և սպորտի նախարարության ոսկե մեդալներով:

Արցախի հերոսներ.

Դավիթ Լյովայի Գրիգորյան. սեպտեմբերի 27-ից խոցել է 15 տանկ և 1 ՀՄՄ,

Էդգար Էդվարդի Մարկոսյան. Թալիշի ուղղությամբ խոցել է 10 տանկ,

Յուրա Հայկարամի Ալավերդյան. 9 տանկ և 1 միավոր ավտոտեխնիկա,

Գնդապետ Կարեն Շահենի Շաքարյան. մարտնչում է առաջին ազատամարտից,

Դավիթ Վանիկի Ղազարյան, հետմահու, վարել է մարտը՝ ոչ մի քայլ հետ սկզբունքով»: