«Այս բեկորը գտել են Արցախի ծննդատան մոտակայքում». Արման Աբովյան

«Սա այն մեծ տրամաչափի հրթիռների մի մասն է, որով այսօր գնդակոծվում է Ստեփանակերտն ու Արցախի խաղաղ բնակավայրերը։ Այս բեկորը գտել են Արցախի ծննդատան մոտակայքում։ Ամեն օր տասնյակ այսպիսի ահավոր զինատեսակներ են կիրառվում խաղաղ բնակիչների հանդեպ։ Այս հրթիռները լիցքավորվում են կասետային ռումբերով, որոնց կիրառումն արգելված է միջազգային կոնվենցիաներով և օրենքներով։ Յուրաքանչյուր պետություն կամ տեռորիստական կազմակերպություն, ով կիրառում է այս զենքը խաղաղ բնակիչների հանդեպ, հանցագործ է՝ առանց վերապահման։ Մեզ հետ պատերազմում է տեռորիստական Թուրքիան և Ադրբեջանը։ Սա այն ուղեգիրն է, որը պետք է բացի այդ երկու հանցագործի առջև Հաագայի միջազգային տրիբունալի դռները»,- այսօր ԱԺ ամբիոնից նման հայտարարություն արեց ԲՀԿ-ական պատգամավոր Արման Աբովյանը։