«Օր չկա, որ հայկական զինված ուժերը ադրբեջանական որևէ օբյեկտ շարքից չհանեն». Արծրուն Հովհաննիսյան

«Ցերկվա ժամերին հարավային ուղղությամբ կրկին թեժացան մարտերը, հակառակորդը հարձակման փորձեր կատարեց Արաքս գետի երկայնքով՝ կիրառելով հրետանային միջոցներ, զրահատեխնիկա և շարժական խմբեր: Այս կազմի հետ գործում են ոչ Ադրբեջանի ԶՈՒ ենթակայության գործող զինծառայողներ»,- ներկայացնելով իրադրությունը Արցախում, ասաց ՀՀ ՊՆ ներկայացուցիչ Արծրուն Հովհաննիսյանը:

Նա նշեց՝ այդպիսի օր չկա, որ հայկական զինված ուժերը ադրբեջանական որևէ օբյեկտ շարքից չհանեն, սակայն միշտ չէ, որ դրանք ենթակա են լուսաբանման. «Պատերազմը շարունակվում է, լայնածավալ է ու սաստիկ. Պատերազմում լինում են խուսանավումներ, հաջողություններ ու անհաջողություններ: Եթե նպատակահարմար գտնենք, կլուսաբանենք դրանք, եթե ոչ՝ ուրեմն պետք է վստահենք մեր զինվորականներին, հրամանատարներին ու զորքին, որոնք օր ու գիշեր հերոսություններ են անում, և չենք էլ հասցնում բոլորի մասին խոսենք»,- ասաց Ա. Հովհաննիսյանը: