«Դուք հիմա ոչ թե կոչեր պետք է անեք, այլ դուրս գաք փողոց». Արշալույս Մղդեսյանը՝ Իսրայելի հայերին

«Մեդիա կենտրոն» ծրագրի խմբագիր-համակարգող Արշալույս Մղդեսյանը ֆեյսբուքյան իր էջում գրել է. «Հարգելի՛ Իսրայելի հայություն, Դուք հիմա ոչ թե կոչեր պետք է անեք Ձեր՝ Ադրբեջանին մահաբեր զինատեսակներ վաճառող կառավարությանը, այլ պիտի դուրս գաք փողոց։ Ապահով ապրելու ժամանակն անցել է։ Դուք պետք է կատարեք ԳՈՐԾՈՂՈՒԹՅՈՒՆՆԵՐ։

Հարկ եղած դեպքում փակեք ճանապարհներ, շրջափակեք էդ սպառազինություն արտադրող ընկերությունները, ակցիաներ անեք ամեն օր, հանրային կարծիք ու ֆոն ստեղծեք, հղում անեք Էրդողանի խոսքերին, որն ասում է՝ Երուսաղեմն իրենց է։

Ամեն օր լուրեր են ստացվում Իսրայելից Ադրբեջան տեղափոխվող ռազմական նշանակության բեռների մասին, իսկ դրանք առաջնագծում մեր բանակի վրա թափվող հարվածային դրոններ ու խաղաղ բնակչությանը հարվածող հրթիռներ են»։