«Դա կարող է ունենալ վատ հետևանքներ»․ Գ. Գորգիսյան

Այսօր՝ հոկտեմբերի 9-ին, ԱԺ արտահերթ նիստում Արդարադատության նախարար Ռուստամ Բադասյանը քննարկման է ներկայացնում Վարչական իրավախախտումների վերաբերյալ Հայաստանի Հանրապետության օրենսգրքում լրացումներ կատարելու մասին հարցը, որով առաջարկվում է ռազմական դրության ընթացքում սահմանված միջոցառումների խախտման համար պատասխանատվության ենթարկել։
«Մենք, փաստորեն, ցանկացած գործողություն քննադատելն արգելում ենք։ Դա կարող է ունենալ վատ հետևանքներ»,- նման մտահոգությամբ հանդես եկավ «Լուսավոր Հայաստան» խմբակցության պատգամավոր Գևորգ Գորգիսյանը՝ ամբիոնից ընթերցելով կառավարության որոշումը, որով «պետական և տեղական ինքնակառավարման մարմինների և պաշտոնատար անձանց գործողությունները քննադատող, հերքող, դրանց արդյունավետությունը կասկածի տակ դնող կամ որևէ այլ կերպ արժեզրկող հաղորդումների հրապարակումն արգելվում է»։