«Վարչապետն ասում է՝ տասը հազար հոգով կգաք Չարբախ․ դրանք տվյալներ չե՞ն»․ լրագրողը՝ Բադասյանին

Այսօր արդարադատության նախարար Ռուստամ Բադասյանին ճեպազրույցի ժամանակ լրագրողը հիշեցրեց Նիկոլ Փաշինյանի մարտակոչն ուղիղ եթերով։ Հարցին, թե արդյոք վտանգ չէր պարունակում այն, որ նշվեց, թե որտեղ պիտի հավաքվեն, Բադասյանն ասաց․ «Ես կարծում եմ, որ բոլոր նման հայտարարությունները նախապես ճշտված են լինում և խուճապ չի կարող առաջանալ, բացի այդ նախատեսվում է բոլոր հետևանքները, նաև թշնամու վարքագիծը և որևէ խնդիր չի կարող առաջանալ»։