«Իսկ ի՞նչ տարբերություն ԻԳԻԼ-ի և Էրդողանի Թուրանի միջև». Նարինե Դիլբարյան

«Ժառանգություն» կուսակցության նախագահ Նարինե Դիլբարյանը ֆեյսբուքյան իր էջում գրել է. «Իսկ ի՞նչ տարբերություն ԻԳԻԼ-ի կամ ԴԱԻՇ-ի և Էրդողանի Թուրանի միջև, ՆԱՏՕ-ն առաջինին թշնամի է հռչակել, պայքարում է նրանց դեմ, իսկ Թուրքիային ՆԱՏՕ-ում պահում-պահպանում են, նրանց ինքնաթիռներով և հրթիռներով Արցախ-Հայաստանն են ուզում ոչնչացնել: Թրամփի ԱՄՆ-ն էլ իր ընտրությամբ է մտահոգ, 2001 թ. սեպտեմբերի 11 տեսած պետությունն անտեսում է ահաբեկիչներին, որ արդեն երկու շաբաթ ավեր ու մահ են սփռում հայոց բնակավայրերում և հոգևոր մշակույթի կենտրոններում ու ողջ տարածքում: Ահաբեկիչների գործն ամենուր նույնն է, ուստի մեր հակաահաբեկչական պատերազմը չպիտի միայն մերը լինի, զրկե՛ք դրանց ձեր զենքերից, արգելե՛ք զենքի վաճառքը Թուրքիային և Ադրբեջանին, սառեցրե՛ք պատերազմի հանցագործ Ալիև-Փաշաևների կլանի դրամական միջոցները ձեր բանկերում: Հումանիտար աղետը պիտի կանխվի, ի՞նչ զիջումների մասին է խոսքը, երբ մարդկանց կյանքի ու գոյության իրավունքն է վտանգված....Հրադադար երաշխավորե՛ք և տեսե՛ք ազերիաթուրքական ահաբեկչության իրական դեմքը»: