«Թող Ռուսաստանի հայ համայնքը գործի դնի իր «ոչ զանգվածային ակցիաների» ներուժը». Հակոբ Բադալյան

Քաղաքական մեկնաբան Հակոբ Բադալյանը ֆեյսբուքյան իր էջում գրել է. «Ռուսաստանի հայ համայնքը ունի բավականաչափ ներուժ Հայաստանին առանց զանգվածային բողոքի ակցիաների օգնելու համար: Ռուսաստանն էն պետությունն է, էն մենթալությամբ և ներքին էն շերտերով, որ այդ բողոքի զանգվածային ակցիաները ավելի մեծ հավանականությամբ կունենան լիովին հակառակ էֆեկտ, քան էն, ինչ անկեղծ մղումներով կարող էր և ակնկալվել: Ըստ այդմ, թող Ռուսաստանի հայ համայնքը գործի դնի իր «ոչ զանգվածային ակցիաների» ներուժը՝ սկսած ֆինանսների հավաքագրումից, մինչև տարբեր ուղղություններով հանդարտ աշխատանքը առանց զանգվածայնության: Իսկ զանգվածային ակցիաների կոչերն էլ պետք է վերջ տալ: Այդ ակցիաները արևմտյան հանրային-քաղաքական մշակույթի և մտածողության տիրույթում են արդյունավետ, ընդ որում՝ շատ որոշակի վարքագծային կանոններով: Որովհետև ես, օրինակ, բոլորովին չեմ ոգևորվում, երբ, ասենք, կարող են լինել հայկական ակցիաների և ոստիկանների բախումներ որևէ ամերիկյան կամ եվրոպական քաղաքում»: