Կա՞ անհրաժեշտություն ՀՀ-ում և Արցախում արգելափակել «Ֆեյսբուք»-ը. մեկնաբանում է Վ. Պողոսյանը

ԱՀ նախագահի խոսնակ Վահրամ Պողոսյանը, «Ազատություն» ռ/կ-ի եթերում անդրադառնալով հարցին, թե կա՞ անհրաժեշտություն ՀՀ-ում և Արցախում արգելափակելու «Ֆեյսբուք»-ը, որ հասարակության շրջանում չառաջանան խուճապային տրամադրություններ, պատասխանել է. «Համաձայն եմ, որ պատերազմական իրավիճակը, ի տարբերություն սովորական իրավիճակի, բավականին շատ տարբերվում է, և այստեղ ինչ-որ չափով տեղեկատվության վերահսկողությունը պետք է այլ պահանջներ ներկայացնի, բայց ընդհանուր առմամբ ես չեմ կարծում, որ հասարակության մեջ կա խուճապ և «Ֆեյսբուք»-ի կամ լրատվամիջոցների տարածած տեղեկատվությունը կարող է խուճապ առաջացնել հասարակության մեջ, մանավանդ որ գոնե հայկական տիրույթում աշխատող մեր կայքերն այս առումով բավականին զուսպ են և բավականին սոցիալական պատասխանատվություն են կրում»: