Միքայել Մելքումյանը ԵԽԽՎ-ում առաջարկել է ստեղծել միջազգային հակաահաբեկչական կոալիցիա

«Մեր պատվիրակության ելույթները շատ տեղին էին։ Մենք արձանագրեցինք, որ ոչ միայն ռազմական գործողություններ են, որոնք ղեկավարվում են Թուրքիայի կողմից և մատակարարվում կործանիչ զինամթերքներ, այլև մի քանի առանձնահատկություններ․ առաջին, որ դա խաղաղ բնակչության նկատմամբ խայտառակ հարձակում էր, ռմբակոծություն՝ մշակութային կոթողների նկատմամբ, բայց առաջին անգամ ես շեշտել եմ, որ սա Թուրքիայի կողմից ակնհայտ մասնակցություն է։ Երկրորդ՝ արձանագրվեց իմ կողմից, որ սա տոտալ միջազգային տեռորիզմի դրսևորում է, իսկ միջազգային տեռորիզմը հասցե չունի, որտեղ էլ լինի պետք է դրա դեմ պայքարել։ Վերջին միտքս այն էր, որ Արցախում ապրող հայ ժողովրդի անվտանգության երաշխիքներից մեկը Արցախի անկախության ճանաչումն է»,- այսօրվա ճեպազրույցում անդրադառնալով ԵԽԽՎ երեկվա նիստին՝ ասաց պատգամավոր Միքայել Մելքումյանը։ Նա առաջարկել է ստեղծել միջազգային հակաահաբեկչական կոալիցիա:
«ԵԽԽՎ-ի որոշումները երբեք էլ իրավական, հետևանքային ուժ չեն ունեցել, բայց դրանք կարևոր քաղաքական նշանակություն ունեն»,- նկատեց Մելքումյանը։