«Եթե միջազգային հանրությունն ուշադրություն չդարձնի այս անասունների հանցագործություններին, ինքներս պարտավոր ենք պատժել իրենց». Արման Աբովյան

ԱԺ ԲՀԿ-ական պատգամավոր Արման Աբովյանը ֆեյսբուքյան իր էջում գրել է․ «Հիմա ընդանում են շատ ակտիվ քննարկումներ առ այն, թե ինչպես կզարգանան իրադարձությունները։

Ակնհայտ է, որ դիվանագիտական դաշտում ճիշտ որոշումներ կայացնելու համար, մենք կրկին պետք է վերահաստատենք շատ կարևոր դրույթներ, որոնց շուրջ փաստացի այսօր ձևավորվում է իրավիճակի զարգացումը։

1. Մենք պատերազմում ենք, ոչ թե Ադրբեջանի դեմ, այլ պատերազմն ընդանում է առաջին հերթին Թուրքիայի հետ, որն օգտագործում է Ադրբեջանը, որպես պլացդարմ մեր դեմ պատերազմելու համար, իսկ ադրբեջանցի զինվորները հանդիսանում են ընդամենը թնդանոթային միս նոր հայ-թուրքական պատերազմում։

2. Չնայած, որ Իլհամ Ալիևը հանդիսանում է ընդամենը թուրքերի ծրագրերի կատարածու, դա չի նվազեցնում իր անձնական պատասխանտվության բաժինը հայերի հանդեպ իրագործվող հանցագործությունների համար։

Ալիևը և Էրդողանը միանշանակ պետք է միասին կրեն ամենախիստ պատիժը։

Եվ եթե միջազգային հանրությունը կրկին ուշադրություն չդարձնի այս անասունների հանցագործություններին, ապա մենք ուղղակի ինքներս պարտավոր ենք պատժել իրենց (և անպայման կպատժենք)։

3. Պետք է հստակ հասկանալ, որ այսօր ընթանում է ոչ միայն պատերազմ թուրք-ադրբեջանական միջազգային ահաբեկիչների դեմ, այլ փաստացի կրկին փորձ է արվում վերաձևավորել տարածաշրջանային քարտեզն աշխարհաքաղաքական ազդեցության առումով։

Իրավիճակը հետևյալն է.

տարածաշրջանում առանցքային դեր խաղալու է կա՛մ Ռուսաստանը, կա՛մ Թուրքիան և մենք ակնհայտորեն արդեն հասկանում ենք, թե ո՞վ պետք է մնա հիմնական մոդերատորը մեր տարածաշրջանում»։